తేదీ: 13-06-2026, మణుగూరు మండలం మన భద్రాద్రి న్యూస్ : మణుగూరు మండలం గాంధీ బొమ్మ సెంటర్ ప్రాంతానికి చెందిన చల్లా ప్రభావతి కుమార్తె సంధ్య అనారోగ్యంతో బాధపడుతున్న విషయం తెలుసుకున్న పినపాక నియోజకవర్గ ఎమ్మెల్యే పాయం వెంకటేశ్వర్లు ఆమె నివాసానికి వెళ్లి పరామర్శించారు. ఈ సందర్భంగా సంధ్య ఆరోగ్య పరిస్థితిని కుటుంబ సభ్యులను అడిగి తెలుసుకున్న ఎమ్మెల్యే, ప్రస్తుతం అందుతున్న వైద్య చికిత్స వివరాలను పరిశీలించారు. అవసరమైతే మెరుగైన వైద్యం అందేలా తన వంతు సహాయ సహకారాలు అందిస్తానని హామీ ఇచ్చారు. అనారోగ్య పరిస్థితుల్లో కుటుంబ సభ్యులు ధైర్యంగా ఉండాలని సూచించిన ఎమ్మెల్యే పాయం వెంకటేశ్వర్లు, సంధ్య త్వరగా కోలుకుని సంపూర్ణ ఆరోగ్యంతో సాధారణ జీవితంలోకి రావాలని ఆకాంక్షించారు. ప్రజల కష్టసుఖాల్లో భాగస్వామిగా ఉండటం ప్రజాప్రతినిధుల బాధ్యత అని పేర్కొన్న ఎమ్మెల్యే, నియోజకవర్గ ప్రజలకు ఎల్లప్పుడూ అందుబాటులో ఉంటూ వారి సమస్యల పరిష్కారానికి కృషి చేస్తానని తెలిపారు. ప్రజలకు అవసరమైన సమయంలో అండగా నిలవడం తన బాధ్యతగా భావిస్తున్నానని, ప్రతి కుటుంబం సుఖసంతోషాలతో ఉండాలని కోరుకుంటున్నానని ఎమ్మెల్యే పాయం వెంకటేశ్వర్లు పేర్కొన్నారు.
ఈ కార్యక్రమంలో కాంగ్రెస్ పార్టీ మండల అధ్యక్షులు, టౌన్ అధ్యక్షులు, మైనార్టీ సెల్ అధ్యక్షులు, జిల్లా ముఖ్య నాయకులు, పార్టీ నాయకులు, మహిళా నాయకులు, కార్యకర్తలు, అభిమానులు మరియు స్థానిక ప్రజలు పాల్గొన్నారు..
ప్రజల కష్టాల్లో తోడుగా నిలుస్తూ మానవత్వాన్ని చాటుతున్న ఎమ్మెల్యే పాయం వెంకటేశ్వర్లు సేవాభావానికి స్థానికులు అభినందనలు తెలిపారు.
