చింతిర్యాల కాలనీలో రూ.20 లక్షల వ్యయంతో నూతన గ్రామ పంచాయతీ భవనం ప్రారంభం
గ్రామీణ అభివృద్ధికి రాష్ట్ర ప్రభుత్వం ప్రత్యేక ప్రాధాన్యత: ఎమ్మెల్యే పాయం వెంకటేశ్వర్లు
అశ్వాపురం, జూలై 11 (మన భద్రాద్రి న్యూస్):
అశ్వాపురం మండలం చింతిర్యాల కాలనీలో రూ.20 లక్షల వ్యయంతో నిర్మించిన నూతన గ్రామ పంచాయతీ భవనాన్ని పినపాక నియోజకవర్గ ఎమ్మెల్యే పాయం వెంకటేశ్వర్లు శనివారం ప్రారంభించి ప్రజలకు అంకితం చేశారు.
ఈ సందర్భంగా ఎమ్మెల్యే మాట్లాడుతూ, గ్రామాల సమగ్ర అభివృద్ధికి రాష్ట్ర ప్రభుత్వం ప్రత్యేక ప్రాధాన్యత ఇస్తోందని అన్నారు. గ్రామస్థాయిలో ప్రజలకు మెరుగైన పరిపాలనా సేవలు అందించేందుకు అవసరమైన మౌలిక వసతులను బలోపేతం చేస్తున్నామని తెలిపారు.
రూ.20 లక్షల వ్యయంతో నిర్మించిన గ్రామ పంచాయతీ భవనం ద్వారా ప్రభుత్వ సేవలు ప్రజలకు మరింత సులభంగా అందుబాటులోకి రావడంతో పాటు గ్రామాభివృద్ధికి ఇది దోహదపడుతుందని ఎమ్మెల్యే పేర్కొన్నారు.
ఈ కార్యక్రమంలో ఎంపీడీవో, ఎమ్మార్వో, పంచాయతీ శాఖ అధికారులు, మండల కాంగ్రెస్ అధ్యక్షుడు ఓరుగంటి రమేష్ బాబు, జిల్లా ముఖ్య నాయకులు, మాజీ ప్రజాప్రతినిధులు, సర్పంచులు, ఉపసర్పంచులు, వార్డు సభ్యులు, కాంగ్రెస్ పార్టీ నాయకులు, కార్యకర్తలు, గ్రామ పెద్దలు, స్థానిక ప్రజలు పెద్ద సంఖ్యలో పాల్గొన్నారు.
