ప్రపంచ ఆదివాసీ దినోత్సవాన్ని విజయవంతం చేయాలి

ఆగస్టు 9న నిర్వహించనున్న ప్రపంచ ఆదివాసీ దినోత్సవాన్ని ఆదివాసీలందరూ పెద్ద ఎత్తున పాల్గొని విజయవంతం చేయాలని పాయం నరసింహారావు పిలుపునిచ్చారు.

సోమవారం మండల కేంద్రంలో నిర్వహించిన కార్యక్రమంలో ఆయన మాట్లాడుతూ, ఆదివాసీ నాయకులు, యువకులు, మహిళలు, దొర పటేళ్లు, ప్రజలందరూ ఈ కార్యక్రమానికి హాజరై ఆదివాసీ ఐక్యతను చాటాలని కోరారు.

ఆదివాసీల సంస్కృతి, సంప్రదాయాలు, హక్కులను పరిరక్షించుకోవాల్సిన అవసరం ఉందని పేర్కొన్నారు. 1/70 చట్టం, పేసా చట్టం, అటవీ హక్కుల చట్టాలు నిర్వీర్యమవుతున్నాయని ఆందోళన వ్యక్తం చేశారు. ఈ చట్టాల పరిరక్షణ కోసం ఆదివాసీలందరూ ఐక్యంగా పోరాడాల్సిన అవసరం ఉందని సూచించారు.

ఈ కార్యక్రమంలో ఏఐడబ్ల్యూసీ నాయకులు జోగా రాంబాబు, కొమరం వెంకటేశ్వర్లు, కొమరం వెంకటకృష్ణ, కొమరం సతీష్, కల్తీ జోగయ్య, కల్తీ పాపయ్య, గొగ్గల బాబురావు, ఈసం సారయ్య, ఊకె నరేష్ తదితరులు పాల్గొన్నారు.